Benvignûts su la soluzion di Taler pe VDBC
Taler come Valude Digjitâl di Bancje Centrâl
Al è pussibil doprâ la nestre infrastruture avanzade par creâ Valudis Digjitâls de Bancje Centrâl concepidis par durâ, che a rivin a competi a nivel globâl e che a permetin aes bancjis centrâls di mantignî la proprie sovranitât.
Âstu gole di savê di plui? La Bancje Nazionâl Svuizare (SNB) e à descrit i vantaçs de nestre tecnologjie intun studi aprofondît esclusîf:
Studi aprofondît de SNB
La monede digjitâl e pues fâ di plui
La monede digjitâl cun Taler e je une vore di plui che un sempliç sisteme di paiament. Taler al trasformarà lis economiis:
Trasparince dai redits cun contrats definîts
Declarazion dai redits semplificade e verifichis fiscâls mancul costosis
Micropaiaments intun clic economics
Par rindi pussibii gnûfs modei di business, in particolâr pe editorie digjitâl
Implementazion di riferiment pal software libar
Al rispiete la sovranitât individuâl e nazionâl
Verifiche de etât controlade dai gjenitôrs tal rispiet de riservatece
Par furnî une comode protezion cence spesis pai zovins
Compatibil cun plui valudis
Util pes valudis regjonâls par diviersis zonis economichis
I citadins a puedin paiâ in rêt cence vê un cont in bancje
Al rint pussibilis rimessis digjitâls dai servizis sociâi a popolazions cence cont bancari
Tecnologjie comprovade
Taler al è fat sù su tecnologjiis consolidadis e colaudadis cuntune metodiche progjetuâl conservative:
- Base di dâts SQL comun cun APIs Client-Servidôr (HTTP-REST); nissune blockchain, nissune rêt P2P
- Blocs fondamentâi criptografics economics e ben capîts (RSA, DSA); nissun ZK-SNARK
- Contrats concrets cun claris basis juridichis; nissune machine virtuâl, nissun contrat inteligjent Solidity
Esecuzion complete
Il sisteme Taler nol è nome un tacuin:
- Adatadôrs pe integrazion cul sisteme bancjari esistent (LibEuFin)
- Backup pal utent finâl e gjestion clâfs (Anastasis)
- Integrazion pai comerciants e supuart operatîf
Vantaçs di une VDBC basade sul valôr
Tant che sisteme basât sul valôr, Taler al è l'ecuivalent digjitâl plui simil al contant. Sore il rispiet dai recuisîts normatîfs, Taler al permet aes bancjis centrâls di imponi limits di prelêf par protezisi de corse ai sportei o di aplicâ tas di interès negatîfs par discoragjâ l'incaparament di bêçs. La architeture VDBC (Valude Digjitâl di Bancje Centrâl) di Taler e je a doi nivei, che al vûl dî che lis interazions a saressin facilitadis da lis bancjis comerciâls. Duncje, la bancje centrâl no scugne gjestî je i conts dai citadins e lis relativis proceduris di cognossince dal prori client (KYC), ni il caric di supuart associât. Lis proprietâts di riservatece di Taler a garantissin che la bancje centrâl no podedi subî pressions politichis par tirâ fûr informazions sui citadins, tal stes timp, lis proprietâts di trasparence dal redit di Taler a garantissin che la bancje centrâl e ricevi dâts economics fondamentâi par supuartâ lis sôs analisis economichis.
VDBC basade su hardware
Lis valudis digjitâls de bancje centrâl (VDBC) che a puedin funzionâ fûr rêt e basadis su hardware a àn inconvenients seris:
- Cun chê di comprâ soluzions hardware specifichis, a imponin spesis pai citadins
- Une fuarte dipendence suntun piçul numar di produtôrs cun scjarse concorence
- La sigurece in hardware e falìs dispès, in particolâr tai confronts dai utents che a àn un motîf par sfuarçâ i dispositîfs sot il lôr control fisic
- La concorence cul contant al ingrivie ancjemò di plui la resilience tai confronts dai disastris che a compuartin interuzions di corint
VDBC basade su software libar
Il software libar e je la soluzion plui adate par une valude digjitâl:
- In teorie zero coscj pai citadins par otignî, inzornâ o personalizâ
- Dutis lis aziendis software di dut il mont a puedin ufrî servizis e supuartâ in maniere paritarie
- La trasparence e permet di cjatâ i problemis in mût plui facil e l'inzornament software al è economic
- Nissune concorence pe valude fisiche pe utilizazion fûr rêt
