Articui dal nestri Blog
In cheste pagjine tu cjatarâs notiziis selezionadis, domandis fatis dispès e une liste des publicazions.
Par vê altris informazions visite i articui des novitâts de comunitât o iscriviti al nestri feed RSS
Domandis fatis dispès
Chestis a son dome cualchidune des domandis fatis dispès di une liste plui lungje che tu puedis cjatâ fasint clic sul boton "Altris FAQs".
Taler nol à bisugne di nissune tecnologjie di Blockchain e no si base nancje su proof-of-work (prove di lavôr - mecanisim di consens) o su altris mecanisims di consens distribuît. Impen, Taler si base su firmis vuarbis. Dut câs, in teorie al è pussibil cumbinâ Taler cun cripto-valudis peer-to-peer come Bitcoin.
Dut câs, si podarès vê la pussibilitât di prelevâ monede denominade in Bitcoin intun tacuin Taler (cuntun servizi di cambi/scambi adat), chest al puartarès vantaçs in confront al Bitcoin "pûr", par esempli i timps di conferme istantanis.
Il to tacuin al conserve la monede digjitâl e duncje, in definitive, il to computer al ten il salt. Taler Exchange (servizi di cambi/scambi) al ten intun cont di regolament i fonts corispondents a ducj i bêçs che no son stâts spindûts.
Stant che la monede digjitâl di Taler tal to tacuin e je anonime, il servizi di cambi/scambi nol pues judâti a recuperâ un tacuin pierdût o robât. Propite come un tacuin fisic par contants, tu sês tu responsabil di tignîlu al sigûr.
Taler al supuarte i paiaments push (inviâ) e pull (ricevi) tra tacuins (cognossûts ancje come paiaments direts tra utents o peer-to-peer). Se i tiei amîs ti dan bens o servizis in cambi di un paiament, a puedin cun facilitât creâ un ambient comerciâl Taler par marcjadants e ricevi il paiament sul lôr cont bancjari.
Ancje se al somee che il paiament al sucedi in mût diret ta i tacuins, a nivel tecnic la operazion e passe pal furnidôr dal servizi di paiament che pal solit al sarà obleât par leç a identificâ il destinatari dai fonts prime di permeti il completament de transazion.
I tacuins Taler a puedin tignî monedis digjitâls che a corispuindin a plui valudis diviersis, come par esempli Euros, Dolars americans o Bitcoins.
Pal moment Taler nol ufrìs conversions tra lis valudis.
Il to tacuin al ten la monede digjitâl che a son firmadis in mût anonim di un operadôr di scambi. L'ûs di firmis vuarbis al protêç la tô riservatece e al preven che l'operadôr di cambi/scambi al savedi par cuâl client e je stade firmade la monede.
Il protocol Taler al amet dutis lis plateformis di scambi par stabilî la proprie struture tarifarie, permetint ai operadôrs di aplicâ comissions pal prelêf, pal dipuesit, pe rinovazion o pal rimbors di monedis. I operadôrs a puedin ancje adebitâ comissions pe sieradure des riservis e pai trasferiments bancjaris (agregâts) ai comerciants. I comerciants a puedin sielzi di cuvierzi cualchidune des comissions sostignudis dai clients. I coscj efetîfs des transazions a vegnin stimâts tor i 0,001 cent/transazion (cun tas di transazion elevâts, amortizâts su miliarts di transazions, escludûts i coscj di migrazion). Viôt che cheste e je une stime preliminâr; i detais a podaressin dipendi dai recuisîts di hosting e di backup de autoritât di regolamentazion e duncje a al è facil che a podaressin jessi 10 voltis plui grandis.
Il tacuin di taler al supuarte plui valudis, ma pal moment il sisteme nol supuarte la conversion tra di lôr. Dut câs, in teorie, al sarès pussibil creâ une entitât che e acete dipuesits in une valude e che e permet i prelêfs intune altre. Ma ben, in chest câs i ostacui normatîfs a tindin a deventâ une vore complicâts. La atenzion di Taler e je indreçade ai paiaments di ogni dì, duncje no vin in progjet di supuartâ la conversion di valudis pal prossim avignî.
Secont di nô, une plateforme di cambi/scambi di Taler, che e gjestìs euros, e scugne conformâsi aes regulis che a son za presintis te Diretive Europeane su la Monede Eletroniche.
Events passâts
Chescj a son cualchidun dai events impuartants che a rivuardin Taler.
Novembar 11, 2022
Setembar 16, 2020
GNU Taler inviât te Universitât di Siencis Aplicadis di Berne
Il sisteme di paiament di GNU Taler al è stât inviât ae Universitât di Siencis Aplicadis di Berne ae presince di un rapresentant de Bancje Nazionâl Svuizare.
Lui 7, 2020
Publicât rindicont su la sigurece dal servizi di cambi/scambi, par cure di tierçs indipendents
Code Blau, revisôr indipendent dai conts cun sede a Berlin, al à esaminât il codiç de plateforme di cambi/scambi di Taler.
Publicazions
Cheste e je une panoramiche des publicazions selezionadis in merit a Taler.
Decoding Digital Assets: Distinguishing the Dream from the Dystopia in Stablecoins, Tokenized Deposits, and Central Bank Digital Currencies
By Leon Schumacher
Libri (2024)
Zero-Knowledge Age Restriction for GNU Taler
By Özgür Kesim, Christian Grothoff, Florian Dold, Martin Schanzenbach
Articul (2022)
A digital euro and the future of cash
By Martin Summer and Hannes Hermanky (Oesterreichische Nationalbank AG / National Bank of Austria)
Articul (2022)
Come una banca centrale dovrebbe emettere una moneta digitale
By David Chaum, Christian Grothoff, Thomas Moser, translated by Dora Scilipoti, with support by Luca Saiu
Articul (2022)
How to issue a Central Bank Digital Currency
By David Chaum, Christian Grothoff, Thomas Moser
Articul (2021)
Comment émettre une monnaie numérique de banque centrale
By David Chaum, Christian Grothoff, Thomas Moser, translated by Marie Walrafen and Emmanuel Benoist
Articul (2021)
Why a Digital Euro should be Online-first and Bearer-based
By Christian Grothoff and Florian Dold
Articul (2021)
Peer-to-Peer Transactions for Privacy-Preserving Mobile Payments using GNU Taler
By J. Florian Kimmest
Tesi di lauree (2020)
Embedded system for GNU/Taler: Designing an embedded system for cashless payment on a vending machine
By Dominik Wenger
Tesi di lauree (2020)
The GNU Taler System: Practical and Provably Secure Electronic Payments
By Florian Dold
Tesi di dotorât (2019)