BENVIGNÛTS SU GJETONIZAZION
La gjetonizazion di Taler
e supere
la semplice monede digjitâl
Taler al dopre un tacuin digjitâl che al ten i bêçs e i furnidôrs
di servizis di paiament cun conts di regolament in valudis esistentis.
Taler al pues gjestî in mût eficient transazions di altris bens
Il sisteme Taler al è progjetât pe gjetonizazion di cualsisei ben. Al pues emeti gjetons sigûrs che
a rapresentin in mût digjitâl un ben reâl negoziabil - in tancj aspiets simil al tradizionâl procès
di cartolarizazion ma dal dut eletronic. La gjetonizazion e ufrìs il potenziâl par un mont là che
al è pussibil gjestî lis transazions di bens in maniere plui eficiente e cun mancul frizions.
Bens materiâi
Bancjis e bancjis centrâls a puedin emeti gjetons digjitâi par rapresentâ la detenzion di valude fiat o criptovaludis
Titui
Lis impresis s puedin emeti gjetons digjitâi par rapresentât la porprietât di azions, fonts indicizâts o titui
Premis
Lis aziendis a puedin emeti gjetons digjitâi pai programs fedeltât, come lis miis aeriis o i ponts fedeltât
Bens materiâi
Bancjis e bancjis centrâls a puedin emeti gjetons digjitâi par rapresentâ la detenzion di valude fiat o criptovaludis
Titui
Lis impresis s puedin emeti gjetons digjitâi par rapresentât la porprietât di azions, fonts indicizâts o titui
Premis
Lis aziendis a puedin emeti gjetons digjitâi pai programs fedeltât, come lis miis aeriis o i ponts fedeltât
Tecnologjie di gjetonizazion cun Taler
I gjetons digjitâi a dan une grande schirie di vantaçs sui sistemis basâts su accounts:
- Transazions istantaniis e eficientis
- Relazion direte tra emitent e puartadôr
- Dirits di proprietât che si puedin dimostrâ cul proprietari che al ten i gjetons
- Nissune dipendence dal operadôr dal regjistri des transazions
Eliminazion dai intermediaris
In dî di vuê, tancj bens a vegnin conservâts e trasferîts dentri di sistemis basâts su conts. Par esempli, i dipuesits bancjaris a rapresentin un credit tai confronts de rispetive bancje comerciâl. Se la bancje e ves di falî, il depositadôr al podarès pierdi i siei bêçs.
Invezit, i gjetons tai sistemis basâts su gjetons (tokens) come Taler a vegnin garantîts dal lôr emitent. In gracie dal so regolament protet in mût cifrât cul emitent, Taler al evite i risis associâts cui intermediaris atuâi. Cun di plui, lis transazions a deventin istantaniis e plui eficientis stant che no ven domandade nissune autenticazion e che i intermediaris costôs a vegnin eliminâts.
Al è pussibil creâ fiducie midiant verificadôrs esternis indipendents cence palesâur i dâts privâts dai clients.
Vantaçs di une infrastruture basade sul valôr
Taler al è un sisteme basât sul valôr o sul gjeton (token), che al significhe che il trasferiment al sucêt dant il control sul gjeton stes, in mût simil al paiament in contants cu la consegne dai biliets di bancje. Inalore, nol covente regjistrâ la proprietât come intun sisteme basâts su conts, stant che il possès dal gjeton al baste. I gjetons a tegnin informazions sul lôr valôr e sul lôr emitent.
Infrastruture basade su regjistri
Par un sisteme di paiament, lis "Distributed Ledger Technologies" (DLTs) — tecnologjiis di contabilitât distribuide — a gjenerin plui problemis che soluzions:
- Riservatece limitade stant che si pues colegâ lis ativitâts midiant i accounts coinvolts
- Il costôs mecanisim di consens al limite la scjalabilitât e al contribuìs al incuinament
- Lis transazions lentis e la assence di intermediaris a permetin i abûs criminâi
Infrastruture basade sul valôr
I gjetons digjitâi di valôr, come i contants, a son plui adats pai paiaments:
- I gjetons no si puartin daûr une cronologjie, chest al è fondamentâl pe riservatece
- Al è pussibil emeti e riscatâ gjetons in mût eficient doprant une cifradure pôc costose
- Lis istituzions finanziariis regoladis e afidabilis a puedin firmâ i gjetons creant un mieç di scambi stabil
