BENVIGNÛTS TE MONEDE ELETRONICHE
Sisteme di paiament istantani
rispietôs de riservatece che al permet microtransazions
Viôt une dimostrazion
Beneficis di Taler
Taler al è facil di integrâ cu lis aplicazions web esistentis. I paiaments a son
protets de cifradure e a vegnin confermâts dentri di pôcs milisecont
cun coscj di transazion une vore bas.
Pai marcjadants
Pe sô progjetazion, Taler al ufrìs paiaments eficients e proceduris gjestionâls cun sigurece, riservatece e minimizazion dai dâts. I paiadôrs e chei che a ricevin i bêçs a puedin fâ cont de tecnologjie e no scugnin plui avodâsi nome ae fiducie.
Pai utents
Taler al da al mont une soluzion di paiament che pal sigûr e à sens intune societât dulà che la riservatece, la sigurece dai dâts, la sigurece tecniche e la afidabilitât a deventin simpri plui cruciâls par ducj.
Tacuin eletronic par valudis tradizionâls
e cripto-valudis
Chest sisteme di paiament eletronic istantani al permet ai utents di trasmeti valôrs e bêçs vie internet, doprant lis monedis eletronichis tignudis tai tacuins sui lôr dispositîfs.
- Il tacuin al pues jessi pre-cjariât cun cualsisei valude digjitâl e duncje vignî doprât come se a fossin bêçs contants
- I paiaments in rêt a puedin realizâsi cuntun sôl clic in timp reâl
- Tacuins di navigadôr, tacuins di dispositîfs mobii
Micropaiaments cun Taler
I micropaiaments pes transazions su internet a son stâts une sfide irisolvibile par vie dai alts coscj di transazion. Cu la nestre soluzion, i gnûfs modei di imprese in rêt che si basin su microtransazions, a puedin:
- Doprâ algoritmis eficients, minimizâ il cuantitatîf di dâts e autorizâ intun sôl clic, vê flus di elaborazion plui lizêrs,
- Stabilî un gnûf standard di paiament che al è stât progjetât par integrâ sigurece, riservatece e minimizazion dai dâts,
- Paiâ daurman cence scugnî dâ ai intermediaris di paiament une autenticazion a plui fatôrs
Riservatece e trasparence a son lis massimis prioritâts di Taler
La riservatece fin de progjetazion e algoritmis programâts cun cure a judin a diminuî lis fraudis di paiament.
- Lis transazions dentri dal sisteme di paiament a doprin firmis vuarbis che a impedissin cun eficacie i abûs de bande di tierçs, ancje i atacs fats di dentri di un operadôr di operadôr di scambi (Exchange)
- Taler al permet ai utents di tignî segnâts ducj i paiaments e i contrats se ur covente une prove di acuist, cun dimostrabilis ricevudis eletronichis des transazions che si puedin doprâ tant che provis evidentis in tribunâl
Paiaments vie E-mail, messaçs o IoT
A son stâts firmâts acuardis di colaborazion pe integrazion cun e-mails e messaçs istantanis.
- Al è pussibil inviâ bêçs di Taler come zonte a une e-mail
- Al è pussibil includi i tacuins tes aplicazions par mandâ e-mails e messaçs
Ce che al rint Taler unic par
marcjadants e utents
Paiaments istantanis intun clic
Transazions intun clic ae velocitât dal web e credit istantani dai fonts in jentrade
Il sisteme di paiament nol è nome valevul, economic e stabil, ma al da simpri une elevade velocitât di transazion.
Afidabil
Nissun client legjitim al vignarà parât vie dal rilevament des fraudis
Autorizazion intun clic invezit de autenticazion par vê une fruibilitât miorade e la eliminazion des fraudis.
Sigurece cence atrîts
Par paiâ i utents no varan di regjistrâsi o jentrâ cun credenziâls
I utents no scugnaran regjistrâsi sui negozis web dal marcjadant o sui ponts di vendite. Taler nol patìs di tancj gjenars di problemis di sigurece come il phishing o la contrafazion des cjartis.
Flessibil
Cualsisei valude, cualsisei impuart
Al è pussibil precjariâ il tacuin cun cualsisei valude digjitâl (monede tradizionâl, criptovaludis, premis e v.i.) e dopo al è pussibil doprâlu come bêç contant.
Conformi
Taler al rispiete il regolament EU 2016/679 (GDPR)
Taler al sodisfe i recuisîts AML (anti-ricicli) e KYC (cognossince dal client) e al è progjetât par tutelâ la riservatece in conformitât ae GDPR.
Scjalabil
A nivei di transazion compagns o superiôrs di chei di Mastercard
Des grandis aes micro-transazions. Multi-valude o multi-asset. Multi-dispositîf. Transazions vie e-mail o messaçs.
Tutele de riservatece
Ni i furnidôrs di servizis di paiament ni lis bancjis a vegnin a savê i dâts personâi
Taler al dopre monedis che no si puedin colegâ, creadis cun firmis digjitâls vuarbis, par garantî la riservatece. Chest al favorìs la auto-determinazion informative dai paiadôrs e i furnidôrs di sistemis di paiament tal cumierç in rêt e tal cumierç mobil.
Economic
Taler al è une vore eficient e i siei coscj a son une vore bas impen de alte sigurece e riservatece
A son disponibilis ancje transazions agregadis par sbassâ i coscj operatîfs.
Nissune fraude
Taler al elimine lis fraudis e al da riservatece, sigurece e indipendence tal stes timp
In confront ai paiaments cun cjarte di credit: cu lis cjartis di credit la sigurece e somee dome un aspiet secondari.
